Elmar Məmmədyarov: "Ermənistan tərəfi prezidentlərin görüşü məsələsində hələ qərara gəlməyib"

Bakı. 24 iyul. REPORT.AZ/ "Erməni tərəfi Azərbaycan və Ermənistan prezidentlərinin görüşü məsələsində hələ qərara gəlməyib".

"Report" xəbər verir ki, bunu Azərbaycanın xarici işlər naziri Elmar Məmmədyarov Bakıda Türkiyənin xarici siyasət idarəsinin rəhbəri Mövlud Çavuşoğlu ilə birgə keçirdiyi brifinqdə deyib.

"Onlar xahiş etdilər ki, sənədlərin və görüşün nəyin əsasında olacağını araşdırsınlar və vaxtla bağlı bir qərar versinlər"-, nazir qeyd edib.