Yuxarı
    Bağlamaq

    DSX: "Sərhəd Qoşunlarında Orxan Yaqubov adında hərbi qulluqçu xidmət etmir"

    Bu məlumat tamamilə yalandır və təxribat xarakteri daşıyır

    Bakı. 3 sentyabr. REPORT.AZ/ Azərbaycanın Dövlət Sərhəd Xidməti (DSX) Ermənistanın bəzi kütləvi informasiya vasitələrində guya DSX-nın Füzuli rayonunda yerləşən hərbi hissəsinin hərbi qulluqçusu, 1991-ci il təvəllüdlü Orxan Yaqubovun öldürüldüyü barədə yayılan məlumatlara münasibət bildirib. 

    "Report"un xəbərinə görə, Dövlət Sərhəd Xidmətinin Mətbuat Mərkəzi bildirib ki, bu məlumat tamamilə yalandır və təxribat xarakteri daşıyır, Sərhəd Qoşunlarında Orxan Yaqubov adında hərbi qulluqçu xidmət etmir və ümumiyyətlə, belə bir hadisə baş verməyib.

    Qeyd edək ki, ermənilərin "razm.info" saytında Dövlət Sərhəd Xidmətinin Füzuli rayonunda yerləşən hərbi hissəsinin hərbi qulluqçusu, 1991-ci il təvəllüdlü Orxan Yaqubovun öldürüldüyü, Dövlət Sərhəd Xidməti tərəfindən isə hərbi qulluqçunun valideynlərinə onun intihar ertməsi barədə məlumat verildiyi, lakin qohumlarının onun xidmət yoldaşları tərəfindən qətlə yetirildiyini iddia etdikləri barədə məlumat yayılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi