Yuxarı

Dövlət Komissiyasının katibi: “Dilqəm Əsgərov və Şahbaz Quliyevin azad edilməsi istiqamətində beynəlxalq təşkilatlarla iş davam etdirilir”

“Məsələ Azərbaycan Prezidenti İlham Əliyevin diqqət mərkəzindədir”

Bakı. 16 iyun. REPORT.AZ/ “Kəlbəcərdə ermənilər tərəfindən girov götürülmüş azərbaycanlılar - Dilqəm Əsgərov və Şahbaz Quliyevin azad edilməsi istiqamətində aidiyyəti beynəlxalq təşkilatlarla iş davam etdirilir”

“Report”un xəbərinə görə, bunu Milli Məclisdə keçirilən “18 iyun - Azərbaycan Respublikasında İnsan hüquqları günü” ilə əlaqədar dinləmələrdə Azərbaycan Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi İsmayıl Axundov deyib.

O qeyd edib ki, bu məsələ Azərbaycan Prezidenti İlham Əliyevin diqqət mərkəzindədir.

İ.Axundov bildirib ki, hazırda Dövlət Komissiyası tərəflərin əlində saxlanılan şəxslərin dərhal azad edilməsi və gələcəkdə əsir və girov götürülən şəxslərin, eyni zamanda qısa müddət ərzində geri qaytarılması ilə bağlı Beynəlxalq Qırmızı Xaç Komitəsi tərəfindən saziş layihəsinin hazırlanaraq hər iki tərəfin müzakirəsinə təqdim edilməsini təklif edib: “Hazırda bununla bağlı Beynəlxalq Qırmızı Xaç Komitəsi tərəfindən məsləhətləşmələr aparılır”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi