Yuxarı
    Bağlamaq

    Dağlıq Qarabağdakı erməni separatçılarının əsas sponsorlarından biri ölüb

    Levon Ayrapetyan Moskvada dəfn olunacaq

    Bakı. 18 oktyabr. REPORT.AZ/ Azərbaycanın işğal altında olan Dağlıq Qarabağ bölgəsindəki erməni separatçıları və terrorçularının əsas sponsorlarından biri olan rusiyalı sahibkar Levon Ayrapetyan ölüb.

    “Report” Ermənistan KİV-inə istinadən xəbər verir ki, milyarderin qohumları onun öldüyünü təsdiqləyiblər.

    L.Ayrapetyan oktyabrın 18-də 68 yaşında dünyasını dəyişib. O, Moskvada dəfn olunacaq. 

    Məlumata görə, bir müddət əvvəl səhəttində yaranan problemlərə görə L.Ayrapetyan həbsdən buraxılıb.

    Qeyd edək ki, 2016-cı ildə Moskvanın Zamoskvoretsk məhkəməsi Levon Ayrapetyanı 700 min dollarlıq maliyyə fırıldağında təqsirli bilərək, 4 il müddətinə azadlıqdan məhrum etmişdi. Məhkəmə hökmünə əsasən, o, cəzasını ümumi rejimli cəzaçəkmə müəssisəsində çəkməliydi. 

    L.Ayrapetyanın terrorçuluğa və digər ağır cinayətlərə görə ömürlük azadlıqdan məhrum olunan eks-senator İqor İzmestiyevin anasından oğluna verilən cəzanın azaldılması qarşılığında 700 min ABŞ dolları alıb.

    L.Ayrapetyana qarşı bundan əvvəl də cinayət işi açılıb. O, Başqırdıstanın "Başneft" şirkətinin işi ilə əlaqədar mənimsəmə və çirkli pulların yuyulmasında da ittiham olunmuşdu.

    Xatırladaq ki, o, Dağlıq Qarabağdakı separatçı rejimin əsas sponsorlarından idi. L.Ayrapetyanın ikili vətəndaşlığı və xaricdə daşınmaz əmlakları var.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi