Yuxarı
    Bağlamaq

    ABŞ-ın Ermənistandakı səfiri: "Qarabağ münaqişəsinin hərbi yolla həlli mümkünsüzdür"

    Con Heffern: ATƏT-in Minsk qrupunun həmsədrləri sadəcə vasitəçidirlər və tərəflərə hər hansı bir qərarı zorla qəbul etdirə bilməzlər

    Bakı. 19 dekabr. REPORT.AZ/ "Dağlıq Qarabağ münaqişəsinin hərbi yolla həlli mümkünsüzdür". "Report" "Novosti-Armeniya"ya istinadən xəbər verir ki, bu barədə ABŞ-ın Ermənistandakı səfiri Con Heffern bildirib. 

    "ATƏT-in Minsk qrupunun həmsədrlərinin Dağlıq Qarabağ münaqişəsinin hərbi yolla deyil, yalnız sülh danışıqları yolu ilə həllinin mümkünlüyü haqqında bəyanatını təkrarlamaq məcburiyyətindəyəm", - diplomat bildirib.

    O vurğulayıb ki, ATƏT-in Minsk qrupunun həmsədrləri sadəcə vasitəçidirlər və tərəflərə hər hansı bir qərarı zorla qəbul etdirə bilməzlər.

    "Ümumiyyətlə, hər şey münaqişə tərəflərinin özlərindən asılıdır", - səfir deyib. 

    C.Heffern bildirib ki, ABŞ strateji region olan Cənubi Qafqazın gec-tez açıq olacağına ümid edir, rəsmi Vaşinqton isə öz növbəsində münaqişələrin həllinə və sərhədlərin açılmasına kömək etməyə hazırdır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi