Ceyms Uorlik: "ATƏT-in Minsk qrupunun həmsədrləri aprelin 4-də Vyanada görüşəcəklər"

Bakı. 2 aprel. REPORT.AZ/ "ATƏT-in Minsk qrupunun həmsədrləri aprelin 4-də Vyanada görüşəcəklər". "Report" xəbər verir ki, bunu ATƏT-in Minsk qrupunun ABŞ-dan olan həmsədri Ceyms Uorlik deyib.

O bildirib ki, vasitəçilər təmas xəttindəki vəziyyəti müzakirə edəcəklər.

Aprelin 5-də isə həmsədrlər ATƏT-in Minsk qrupunun ümumi iclasında iştirak edəcəklər.