Yuxarı

Britaniyalı nazir Dağlıq Qarabağ münaqişəsinin həlli məsələsini Bakı və Yerevanda müzakirə edəcək

Devid Lidinqton həmçinin ADA Universitetində mühazirə oxuyacaq

Bakı. 3 noyabr. REPORT.AZ/ Böyük Britaniyanın Avropa məsələləri üzrə naziri Devid Lidinqton noyabr ayının 4-5-də Azərbaycana səfər edəcək. "Report" Böyük Britaniyanın Azərbaycandakı səfirliyinin mətbuat xidmətinə istinadən xəbər verir ki, səfər çərçivəsində D.Lidinqton  Dağlıq Qarabağ münaqişəsinin həlli məsələsini müzakirə edəcək. 

Səfər çərçivəsində D.Lidinqton Azərbaycanın prezidenti İlham Əliyev, XİN rəhbəri Elmar Məmmədyarov, baş nazirin müavini, Qaçqın və Məcburi Köçkünlər ilə İş üzrə Dövlət Komitəsinin rəhbəri Əli Həsənov, Dağlıq Qarabağ Bölgəsinin Azərbaycanlı İcması İctimai Birliyinin sədri Bayram Səfərov, parlamentin deputatları, vətəndaş cəmiyyətinin nümayəndələri ilə görüşəcək. 

Devid Lidinqton həmçinin "ADA" Universitetində "Böyük Britaniyanın xarici siyasəti" mövzusunda mühazirə oxuyacaq.

Nazir Bakıya Ermənistana səfərindən sonra gələcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi