​Braziliya səfiri: "Dağlıq Qarabağ münaqişəsi çox incə məsələdir"

Bakı. 3 may. REPORT.AZ/ "Dağlıq Qarabağ münaqişəsi çox incə məsələdir". "Report" Ermənistan KİV-inə istinadən xəbər verir ki, bunu Braziliyanın Yerevandakı səfiri Edson Marino Duarte Monteyro mayın 3-də jurnalistlərlə görüşündə deyib.

O, Azərbaycanın işğal altında olan Dağlıq Qarabağ bölgəsində təmas xəttindəki vəziyyətdən danışarkən bildirib: "Son zamanlar təmas xəttində gərginliyin artması qeyd edilib. Əsas boş bəyanatlar deyil, əməli fəaliyyətdir. Braziliyanın mövqeyi belədir: münaqişə ATƏT-in Minsk qrupu formatında tənzimlənməlidir".