Yuxarı
    Bağlamaq

    BMT baş katibi Dağlıq Qarabağ münaqişəsinin nizamlanması üzrə səyləri gücləndirməyə çağırıb

    Sülh sazişləri imzalanıb, həyata keçirilməyənədək zorakılğın bərpası riski qalacaq

    Bakı. 22 fevral. REPORT.AZ/ BMT baş katibi Antonio Quterriş Dağlıq Qarabağ münaqişəsinin nizamlanması üzrə səyləri gücləndirməyə çağırıb. "Report" xəbər verir ki, bu barədə o, Avropada münaqişələrin həll olunmasına həsr edilmiş BMT Təhlükəsizlik Şurasının iclasında bildirib.

    BMT baş katibin sözlərinə görə, 2008-ci ildə Gürcüstanda və 2014-cü ildə Ukraynada baş verən böhranlar göstərir ki, Avropa yeni münaqişə ocaqlarından sığortalanmayıb.

    O qeyd edib ki, Avropadakı münaqişələrə aid tez-tez işlənən "dondurulmuş münaqişə" termini çaşqınlıq yaradır: "Sülh sazişləri imzalanıb həyata keçirilməyənədək zorakılğın bərpası riski qalacaq. Biz keçən ilin aprelində Cənubi Qafqazda Dağlıq Qarabağda bunun şahidi olduq”. 

    BMT baş katibi, həmçinin bildirib ki, beynəlxalq ictimaiyyət BMT Nizamnaməsinə uyğun olaraq sülhün qorunub saxlanması üzrə kollektiv yanaşmanı gücləndirməlidir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi