Yuxarı
    Bağlamaq

    Azərbaycanın BMT-dəki daimi nümayəndəsi Cenevrə Mərkəzinin sədri ilə qaçqınlar və məcburi köçkünlərlə bağlı vəziyyəti müzakirə edib

    Daimi nümayəndə: Azərbaycan son 20 il ərzində qaçqınların həyat şəraitinin yaxşılaşdırılması üçün 6 milyard dollar vəsait xərcləyib

    Bakı. 23 aprel. REPORT.AZ/ Azərbaycanın BMT-dəki daimi nümayəndəsi Vaqif Sadıqov insan hüquqları və qlobal dialoq sahəsindəki vəziyyətin yaxşılaşdırılması üzrə Cenevrə Mərkəzinin sədri Hanif Həsən əl-Qasım ilə Azərbaycanda qaçqın problemi məsələsini müzakirə edib.

    "Report" BƏƏ KİV-inə istinadən xəbər verir ki, tərəflər son vaxtlar dünyada, o cümlədən Azərbaycanda qaçqın və məcburi köçkünlərlə bağlı yaranmış vəziyyəti, eləcə də 1 milyondan çox qaçqını olan, dünyada qaçqın sayına görə ilk sırada yer alan Azərbaycanın təcrübəsi ilə Yaxın Şərqdəki vəziyyətin yüngülləşdirilməsi məsələsi ilə bağlı müzakirə aparıblar.

    V.Sadıqov deyib ki, Azərbaycan Dağlıq Qarabağ münaqişəsi nəticəsində ev-eşiklərindən uzaq düşmüş qaçqınların və məcburi köçkünlərin həyat şəraitinin yaxşılaşdırılması üçün son 20 il ərzində 6 milyard dollar vəsait xərcləyib.

    Hanif Həsən əl-Qasım isə bildirib ki, Yaxın Şərqdə silahlı münaqişə və zorakılıq hallarının görünməmiş şəkildə artımı qaçqınların sayının çoxalmasına gətirib çıxarıb. O əlavə edib ki, 2016-ci ildə dünyada qaçqınların sayı, təqribən, 40 milyon nəfər olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi