Yuxarı

Azərbaycan ordusunun şəhid olan əsgərinin medalı anasına təqdim olunub - FOTO

Rəvan Nurayev bu il aprelin əvvəlində təmas xəttində gedən döyüşlərdə əsl qəhrəmanlıq göstərib

Bakı. 20 may. REPORT.AZ/ Zaqatala rayonunda Azərbaycan Silahlı Qüvvələrinin şəhid olan əsgərinin təltif olunduğu medal anasına təqdim edilib.

"Report" xəbər verir ki, bu münasibətlə keçirilən tədbirdə şəhidin doğmaları, Müdafiə Nazirliyinin (MN) rəsmiləri, Zaqatala Rayon İcra Hakimiyyətinin (RİH) rəhbər şəxsləri və ictimaiyyət nümayəndələri iştirak ediblər.

Mərasimdə Azərbaycan Ordusunun şəhid olan 19 yaşlı əsgəri Rəvan Nurayevin Vətənə, xalqa sədaqətli övlad olmağından danışılıb. Bildirilib ki, Rəvan Nurayev bu il aprelin əvvəlində təmas xəttində gedən döyüşlərdə əsl qəhrəmanlıq göstərib və ölümü ilə Vətənə layiq övlad olduğunu bir daha təsdiqləyib.

Müdafiə naziri general-palkovnik Zakir Həsənovun əmri ilə şəhidin təltif olunduğu "3-cü dərəcəli xidmətə görə" medalı anasına təqdim edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi