Bakı. 25 dekabr. REPORT.AZ/ Azərbaycan Müdafiə Nazirliyi ermənilərə məxsus vurulan PUA-dan çəkilən kadrları yayıb. Nazirlik erməni silahlı birləşmələrinə məxsus pilotsuz uçan aparatın guya vurulmadığı barədə erməni tərəfinin iddialarına cavab olaraq Azərbaycan mövqelərinə yaxınlaşan və çəkilişlər etməyə cəhd göstərən düşmən aparatının vurulma anı və kamerasından əldə edilmiş kadrları təqdim edib.
“Report” xatırladır ki, bu gün saat 11:45 radələrində Tərtər rayonu istiqamətində Ermənistan Silahlı Qüvvələrinə məxsus pilotsuz uçan aparat aşkarlanaraq Azərbaycan bölmələri tərəfindən sərrast atəşlə dərhal məhv edilib.