Yuxarı
    Bağlamaq

    Azərbaycan müdafiə naziri ön xətt bölmələrinin döyüşə hazırlıq vəziyyətini yoxlayıb

    Müdafiə naziri məruzələri dinlədikdən sonra üzbəüz düşmən mövqelərini müşahidə edib

    Bakı. 26 dekabr. REPORT.AZ/ Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığına əsasən, general-polkovnik Zakir Həsənov və Nazirliyin digər rəhbər heyəti cəbhəboyu zonada yerləşən bölmələrdə olub.

    Bu barədə "Report"a Müdafiə Nazirliyindən məlumat verilib. 

    Müdafiə naziri məruzələri dinlədikdən sonra üzbəüz düşmən mövqelərini müşahidə edib, ön xətdəki əziyyətlə yerində tanış olub. 

    Daha sonra hərbi hissələrdən birinin yeni inşa edilən dayaq məntəqəsinin, digər hərbi hissədə isə hərbi texnika üçün nəzərdə tutulmuş avtoparkın açılışını edən Zakir Həsənov hərbi texnikanın döyüşə hazırlıq səviyyəsini yoxlayıb.

    Hərbi qulluqçularla görüşərək onların qayğıları, sosial-məişət şəraiti ilə maraqlanan general-polkovnik Ali Baş Komandanın bayram təbriklərini şəxsi heyətə çatdırıb, xidmətdə fərqlənənləri dövlət başçısı adından mükafatlandırıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi