Yuxarı

Azərbaycan MN: Aprel döyüşlərində 320 erməni hərbçisi məhv edilib, 500-dən artığı isə yaralanıb

“Bu ilin mart ayının ortalarından başlayaraq, ermənilər atəşkəsi intensiv pozmağa başladılar”

Bakı. 13 may. REPORT.AZ/ “Ermənistan dövlət sərhədində və təmas xəttində Azərbaycanın mövqelərini atəşə tutur. 2016-cı ilin mart ayının ortalarından başlayaraq, ermənilər atəşkəsi intensiv pozmağa başladılar. Bu zaman onlar mülki əhalini də atəşkəsi tuturdular. Aprelin əvvəlində də analoji hal baş verdi. Azərbaycan ordusu da bu istiqamətdə ermənilərin mövqelərinə cavab zərbələri endirdi”.

“Report”un xəbərinə görə, bunu Azərbaycan Müdafiə Nazirliyinin mətbuat xidmətinin rəhbəri Vaqif Dərgahlı Milli Məclisdə keçirilən “Təmas xəttində son hadisələr: beynəlxalq humanitar hüququn problemləri” adlı dinləmələrdə deyib.

V.Dərgahlının sözlərinə görə, həmin döyüşlərdə ermənilərdən azad edilən yüksəkliklər müdafiə olunur, orada lazımi şərait yaradılıb: “Azərbaycan ordusunda döyüş ruhu yüksəkdir. Bu döyüşlərdə 320 erməni hərbçisi məhv edilib, 500-dən artığı isə yaralanıb”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi