Yuxarı
    Bağlamaq

    Azərbaycan cəbhəboyu zonada patrul dəstələri yaradır

    Bununla bağlı ölkə prezidentinin sərəncamında qeyd olunub

    Bakı. 25 sentyabr. REPORT.AZ/ Azərbaycan tərəfi Ermənistan Silahlı Qüvvələri ilə təmas xəttində - cəbhəboyu zonada yaşayış məntəqələrində yerli əhali arasından könüllülərdən ibarət patrul dəstələri formalaşdıracaq.

    “Report”un xəbərinə görə, bununla bağlı prezident İlham Əliyevin “Azərbaycan Respublikası Silahlı Qüvvələrinin Ermənistan Respublikası Silahlı Qüvvələri ilə təmas xəttində bəzi təhlükəsizlik tədbirləri haqqında” sərəncamında qeyd olunub.

    Patrul dəstələri müdafiənin möhkəmləndirilməsi, habelə əhalinin ayıq-sayıqlığının artırılması məqsədi ilə yaradılacaq.

    Qeyd edək ki, patrul dəstələrinin “Müdafiə məsələləri üzrə əlaqələndirmə şuralarının yaradılması və hərbi birliklərə, hissələrə hamilik haqqında” Azərbaycan Respublikası Prezidentinin 1998-ci il 9 yanvar tarixli 667 nömrəli fərmanına uyğun olaraq yaradılan müdafiə məsələləri üzrə əlaqələndirmə şuraları tərəfindən Azərbaycan və Ermənistan silahlı qüvvələri ilə təmas xəttinə bitişik ərazilərdə yaradılması nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi