Yuxarı
    Bağlamaq

    Azərbaycanın üçüncü ölkəyə təhvil verdiyi erməni hərbi əsir Yerevana qayıdıb

    Akop İnciqulyan Ermənistan Silahlı Qüvvələrində xidmətini davam etdirmək niyyətini bildirib

    Bakı. 2 oktyabr. REPORT.AZ/ Azərbaycan tərəfindən üçüncü ölkəyə təhvil verilən erməni hərbi əsir Akop İnciqulyan oktyabr ayının 1-dən 2-nə keçən gecə Yerevana qayıdıb.

    "Report" "ArmToday"ə istinadən xəbər verir ki, A.İnciqulyan Ermənistan paytaxtına Moskvadan tranzit reysi ilə gəlib. Hava limanında onu qohumları və KİV nümayəndələri qarşılayıb. 

    Gələcək planları haqqında danışan İnciqulyan bildirib ki, Ermənistan Silahlı Qüvvələrində xidmətini davam etdirmək və hərbi xidmətin qalan 9 ayını başa vurmaq niyyətindədir. O qeyd edib ki, səhhətində heç bir problem yoxdur, özünü yaxşı hiss edir. 

    Xatırladaq ki, 1991-ci il təvəllüdlü  Akop İnciqulyan 2013-cü il avqustun 7-dən 8-nə keçən gecə Ağdam rayonunda Azərbaycan Silahlı Qüvvələrinin nəzarətində olan əraziyə keçib. Bu ilin sentyabr ayında İnciqulyan üçüncü ölkəyə təhvil verilib və Rumıniyada qaçqınlar düşərgəsində qalıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi