Yuxarı

ATƏT-in MQ həmsədrləri prezidentlərin növbəti görüşünü hazırlamaq üçün Azərbaycan və Ermənistanın XİN rəhbərləri ilə görüşəcəklər

Görüş ATƏT-in XİNŞ iclası çərçivəsində keçiriləcək

Bakı. 3 noyabr. REPORT.AZ/ ATƏT-in Dağlıq Qarabağ münaqişəsinin tənzimlənməsi üzrə Minsk qrupunun (MQ) həmsədrləri gələn ay Azərbaycan və Ermənistanın xarici işlər nazirləri ilə görüşəcəklər. ATƏT-in MQ amerikalı həmsədri Ceyms Uorlik "Report"a bildirib ki, görüş İsveçrədə ATƏT-in Xarici İşlər Nazirləri Şurasının (XİNŞ) iclası çərçivəsində keçiriləcək. 

Onun sözlərinə görə, vasitəçilərin nazirlərlə görüşü Azərbaycan və Ermənistan prezidentlərinin gələn il keçiriləcək növbəti görüşünə hazırlıq məqsədini daşıyır.

C.Uorlik qeyd edib ki, həmsədrlər iki ölkənin prezidentləri və nazirləri ilə sıx əməkdaşlığı davam etdirmək niyyətindədilər. 

Qeyd edək ki, ATƏT-in XİNŞ-nin növbəti 21-ci iclası dekabr ayının 4-5-də İsveçrənin Bazel şəhərində keçiriləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi