Yuxarı
    Bağlamaq

    Minsk qrupunun həmsədrləri bu həftə Azərbaycana gələcəklər

    Diplomatlar Yerevanda da olacaqlar

    Bakı. 2 oktyabr. REPORT.AZ/ ABŞ-ın ATƏT-in Minsk qrupundakı yeni həmsədri Andrü Şofer bu həftə Yerevan və Bakıya səfər edəcək və vəziyyətlə tanışlıq məqsədilə iki ölkənin rəsmiləri ilə görüşlər keçirəcək.

    Bu barədə "Report"a ABŞ-ın Azərbaycandakı səfirliyindən məlumat verilib.

    Bildirilib ki, A.Şofer Minsk qrupunun digər həmsədrləri ilə birlikdə yüksək səviyyəli görüşlərdə iştirak edəcək.

    Səfirliyin məlumatında vurğulanıb ki, Dağlıq Qarabağ münaqişəsini danışıq yolu ilə həllini dəstəkləyən və ATƏT-in Minsk qrupunun həmsədri olan ABŞ tərəflər ilə fəal şəkildə işləyəcək: "ABŞ-ın Minsk qrupundakı həmsədri Andrü Şofer Birləşmiş Ştatların uzunmüddətli və Minsk qrupunun həmsədrləri tərəfindən təkan verilən mövqeyi dəstəkləyir. Bu mövqeyə əsasən ədalətli həll yolu Helsinki Son Aktının və gücün və ya güc təhdidlərinin istifadə olunmaması, ərazi bütövlüyü və bərabər şəkildə öz müqəddəratını müəyyənləşdirmə prinsiplərini daxil edən beynəlxalq qanun əsasında qərarlaşmalıdır".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi