Bakı. 23 yanvar. REPORT.AZ/ ATƏT-in Minsk qrupunun amerikalı həmsədri Ceyms Uorlik Azərbaycan və Ermənistan prezidentlərini təmas xətti boyu zorakılığı dayandırmağa çağırıb.
"Report"un məlumatına görə, bu barədə C.Uorlik öz "twitter" səhifəsində yazıb.
"Mənim prezidentlərə müraciətim: qoşunların təmas xətti boyu zorakılığı dayandırmaq və danışıqlara sadiq qalmaqdır", - həmsədr qeyd edib.
Xatırladaq ki, son zamanlar qoşunların təmas xətti boyu vəziyyət gərginləşib. Azərbaycan Müdafiə Nazirliyinin məlumatına görə, ermənilərin diversiya-kəşfiyyat qrupları qoşunların təmas xəttini keçməyə cəhd göstəriblər, lakin bu təxribatın qarşısı alınıb. Nəticədə Ermənistan tərəfi iki hərbçisini itirib. Azərbaycan Silahlı Qüvvələrinin bölmələri isə heç bir itki verməyib.