Yuxarı

Azərbaycan daha bir şəxsin adını “arzuolunmaz şəxslər” siyahısından çıxarıb

Gürcüstan yazıçısı Azərbaycanın işğal olunmuş ərazilərinə qanunsuz səfərinin təsadüfi olduğunu bildirib

Bakı. 13 aprel. REPORT.AZ/ Azərbaycan Respublikasının işğal olunmuş ərazilərinə qanunsuz səfər edərək ölkənin “Dövlət sərhədi haqqında" qanununu pozmuş və buna görə də Xarici İşlər Nazirliyi (XİN) tərəfindən tərtib olunmuş “arzuolunmaz şəxslər” siyahısına daxil edilmiş Gürcüstan vətəndaşı, yazıçı David Turaşvili adının bu siyahıdan çıxarılması xahişi ilə Azərbaycan XİN-ə məktubla müraciət edib. Bu barədə “Report”a Azərbaycan XİN-in mətbuat xidmətinin rəhbəri Hikmət Hacıyev məlumat verib.

Məktubda David Turaşvili bu səfərin təsadüfi və qərəzsiz olduğunu, heç bir halda Azərbaycan Respublikasının ərazi bütövlüyü, suverenliyi və qanunlarına hörmətsizlik xarakteri daşımadığını bildirib. O, müstəsna hal kimi “arzuolunmaz şəxslər” siyahısına salınması barəsində qərarın ləğv edilməsini xahiş edib.

David Turaşvilinin müraciəti müvafiq qaydada nəzərdən keçirilib və onun adının “arzuolunmaz şəxslər” siyahısından çıxarılmasına dair qərar qəbul edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi