Yuxarı
    Bağlamaq

    Amerikalı politoloq: "Ermənistan hökuməti insan hüquqlarını pozmağa davam edir"

    Belə addımları İŞİD terror qruplaşmasının yaraqlıları edirlər

    Bakı. 2 fevral. REPORT.AZ/ "Ermənistan tarixən müharibə qaydalarına riayət etməyib, onların hökuməti isə insan hüquqlarını pozmağa davam edir".

    Bunu "Report"a açıqlanmasında amerikalı politoloq Piter Teys Ermənistan tərəfinin düşmənin təxribatının qarşısını alan zaman şəhid olmuş Azərbaycan əsgəri Çingiz Qurbanovun meyitinin geri qaytarılmasından imtina etməsi məsələsini şərh edərkən deyib.

    Onun sözlərinə görə, Ermənistan hökuməti demokratik islahatları tətbiq etməkdən yayınır, insan hüquqlarının müdafiəsi üzrə siyasəti gücləndirməkdən imtina edir.

    "Ermənistan işğal etdiyi Azərbaycan torpaqlarının hər qarışını tərk etməlidir. Tarixi mənbələrə və arxeoloji qazıntılara əsaslanaraq, Dağlıq Qarabağ və ətraf yeddi rayonun Azərbaycanın suveren ərazisi olduğunu əminliklə söyləmək olar. Beynəlxalq ictimaiyyət və təşkilatlar Ermənistanın Azərbaycanın şəhid olmuş əsgərinin meyitinin qaytarılmasından imtina etməsi ilə bağlı qəti mövqeyini bildirməlidir. Bu, beynəlxalq müharibə aparma qaydalarının pozulması deməkdir. Belə addımları İŞİD terror qruplaşmasının yaraqlıları edirlər", - deyə, P.Teys vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi