Yuxarı
    Bağlamaq

    Almaniyada Dağlıq Qarabağ münaqişəsinə dair konfranslar keçiriləcək

    Tədbirlər Almaniyadakı Türk-Azərbaycan Birliyinin (TAVD) təşkilatçılığı ilə Berlin və Hamburq şəhərlərində olacaq

    Bakı. 4 dekabr. REPORT.AZ/ Azərbaycan Milli Məclisinin deputatı Musa Qasımlı Ermənistan-Azərbaycan Dağlıq Qarabağ münaqişəsinə həsr olunmuş konfranslarda iştirak etmək üçün dekabrın 5-dən 15-dək Almaniyada səfərdə olacaq. Bu barədə "Report"a MM-in mətbuat xidmətindən məlumat verilib.   

    Almaniyadakı Türk-Azərbaycan Birliyinin (TAVD) təşkilatçılığı ilə Berlin və Hamburq şəhərlərində keçiriləcək konfranslarda Türkiyə və Azərbaycan tarixçiləri Ermənistan-Azərbaycan Dağlıq Qarabağ münaqişəsinə dair həqiqətləri yerli ictimaiyyətin diqqətinə çatdıracaq, tarixin müxtəlif dövrlərində ermənilərin azərbaycanlılara qarşı törətdikləri qətliamlardan, o cümlədən Xocalı soyqırımından bəhs edəcəklər.

    Millət vəkili öz məruzələrində Ermənistan-Azərbaycan Dağlıq Qarabağ münaqişəsinin tarixi kökləri barədə ətraflı məlumat verəcək. Son iki yüz ildə ermənilərin Azərbaycan ərazilərinə gətirilib yerləşdirilməsi nəticəsində bölgədə demoqrafik şəraitin dəyişdirildiyini Almaniya ictimaiyyətinin nəzərinə çatdıracaq. 1988-ci ildən başlanan Dağlıq Qarabağ münaqişəsinin bu gün də regional sülhə və təhlükəsizliyə böyük təhlükə olduğunu, həmçinin qonşuluq münasibətlərini təhdid etdiyini konkret faktlarla bildirəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi