Bakı. 7 aprel. REPORT.AZ/ Almaniyanın Xarici İşlər Nazirliyi Azərbaycanın işğal altında olan Dağlıq Qarabağ bölgəsində təmas xəttində gərginliyin azalması, davamlı sülhün təmin olunması və münaqişənin dinc yolla həllini özündə etiva edən 7 maddəlik təkliflər planı təqdim edib.
"Report" "RİA Novosti"yə istinadən xəbər verir ki, bu haqda Almaniya XİN-dəki mənbə bildirib.
Mənbənin sözlərinə görə, XİN hesab edir ki, bölgədəki hazırkı status-kvo risklidir və uzunmüddətli deyil.
"Almaniyanın xarici işlər naziri ATƏT-in sədri olaraq bu mürəkkəb vəziyyətdə mümkün vasitələrdən istifadə edərək fəaliyyət göstərəcək", - deyə mənbə vurğulayıb.