Yuxarı

​Aİ-nin xüsusi təmsilçisi Yerevanda Dağlıq Qarabağ məsələsini müzakirə edib

Görüşdə tərəflər Cənubi Qafqazda və ona yaxın bölgələrdəki proseslərə də toxunublar

Bakı. 27 yanvar. REPORT.AZ/ Avropa İttifaqının (Aİ) Cənubi Qafqaz və Gürcüstan böhranı üzrə xüsusi təmsilçisi Herbert Zalber Yerevanda Ermənistanın xarici işlər naziri Edvard Nalbandyanla görüşüb.

"Report" Ermənistan KİV-inə istinadən xəbər verir ki, bu haqda ölkə Xarici İşlər Nazirliyinin mətbuat xidməti məlumat yayıb.

Məlumata görə, erməni nazir avropalı təmsilçiyə ötən ilin dekabrında Azərbaycan Prezidenti İlham Əliyevlə Ermənistan prezidenti Serj Sarqsyan arasında Vyanada keçirilən görüş haqda məlumat verib.

Herbert Zalber bildirib ki, Avropa İttifaqı Dağlıq Qarabağ münaqişəsinin tənzimlənməsində ATƏT-in Minsk qrupu həmsədrlərinin səylərini dəstəkləyir.

Görüşdə tərəflər Cənub Qafqazda və ona yaxın bölgələrdəki proseslərə də toxunublar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi