Yuxarı
    Bağlamaq

    Aİ-nin hesabatı: Dağlıq Qarabağ münaqişəsi qısa müddətdə beynəlxalq hüquqa uyğun olaraq siyasi həll tələb edir

    Aİ-nin altı şərq tərəfdaş ölkəsindən beşi münaqişəyə məruz qalıb

    Bakı. 18 may. REPORT.AZ/ "Dağlıq Qarabağ münaqişəsinin hərbi yolla həlli yoxdur və bu, qısa müddətdə beynəlxalq hüquqa uyğun olaraq siyasi həll tələb edir."

    "Report" xəbər verir ki, bu barədə Avropa İttifaqının (Aİ) "Avropa Qonşuluq Siyasətinə baxış həyata keçirilməsi haqqında" bu gün dərc edilən birgə hesabatında deyilir.

    Hesabatda qeyd edilib ki, Aİ-nin altı şərq tərəfdaş ölkəsindən beşi münaqişəyə məruz qalıb.

    "Aİ status-kvonun dayanıqlı olmadığı Dağlıq Qarabağ münaqişəsinin sülh yolu ilə həllini dəstəkləməyə davam edir."- hesabatda vurğulanıb.

    Hesabatda münaqişə tərəfləri atəşkəs rejiminə əməl etməyə və ATƏT-in Minsk qrupunun himayəsi altında danışıqları davam etdirməyə çağırılır: "Avropa İttifaqının xüsusi nümayəndəsinin regiona tez-tez səfər etməsi Minsk qrupu həmsədrlərinin səylərinə dəstəkdir. Bu, həm də Aİ-nin uzun sürən münaqişənin sülh yolu ilə həllində maraqlı olduğunu göstərir."

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi