Yuxarı

Elmar Məmmədyarov: "Hərbi əsirlərin mübadiləsi Qarabağla bağlı danışıqlar üçün daha əlverişli fon yarada bilər"

​XİN başçısı: "Hərbi əsirlərin mübadiləsi danışıqlar üçün vacibdir"
© Report/ Firi Salim — Xarici işlər naziri Elmar Məmmədyarov

"Azərbaycan dəfələrlə hər iki tərəfdə saxlanan şəxslərin "hamı hamıya" prinsipinə uyğun mübadiləsini təklif edib".

"Report" xəbər verir ki, bunu Azərbaycanın Xarici İşlər naziri Elmar Məmmədyarov "Kommersant"a müsahibəsində deyib.

Onun sözlərinə görə, saxlanılan şəxslərin və hərbi əsirlərin "hamı hamıya" prinsipinə uyğun olaraq mübadiləsi dünya təcrübəsində qəbul olunur və dəstəklənir: "Bu, o cümlədən ATƏT-in Minsk qrupunun həmsədr ölkələri tərəfindən də dəstəklənir. Əminik ki, bu, danışıqların gələcək inkişafı və hər iki ölkənin cəmiyyətlərinin sülhə hazırlığı üçün daha əlverişli emosional fon yarada bilər".

Real səfərlərin həyata keçirilməsinə gəlincə, nazir belə deyib: "Burada, ilk növbədə, bu mövzunun iki cəmiyyət üçün nə dərəcədə həssas olduğunu xatırlamaqla konkret, hətta deyərdim, hər detalı düşünülmüş təkliflər istiqamətində işləmək lazımdır. Başqa sözlə, sülh naminə çalışmaq lazımdır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi