Rusiya səfiri: "Moskva Qarabağ üzrə danışıqlar prosesinin davam etdirilməsini alqışlayır"

"Moskva Dağlıq Qarabağ münaqişəsinin həlli ilə bağlı danışıqlar prosesinin davam etdirilməsini alqışlayır".

"Report" xəbər verir ki, bunu Rusiyanın Azərbaycandakı səfiri Mixail Boçarnikov mətbuat konfransında deyib.

Səfir bildirib ki, ATƏT-in Minsk qrupunun həmsədrləri Dağlıq Qarabağ münaqişəsinin nizamlanması üzrə təkliflərinin təfərrüatlarını açıqlamırlar: "Onların birgə bəyanatında humanitar sahə və təhlükəsizliyin təmin edilməsi barədə danışılır. Xarici işlər nazirləri yaxın zamanlarda görüşmək təklifini qəbul ediblər".