Qarabağda Ermənistan hərbçilərini daşıyan avtomobil aşıb, ölən və yaralanan var

Azərbaycanın işğal altında olan Dağlıq Qarabağ bölgəsində baş verən yol qəzası nəticəsində Ermənistan hərbçisi ölüb.

“Report” xəbər verir ki, məlumatı “Sputnik Armeniya” yayıb.

Hadisə iyunun 3-də günorta saatlarında baş verib. Hadisə hərbçiləri daşıyan “Ural” markalı avtomobilin aşması nəticəsində baş verib. Nəticədə 2001-ci il təvəllüdlü Sarkis Qulyan ölüb, 4 əsgər yaralanıb. Yaralı hərbçilər Xankəndindəki hospitala yerləşdirilib.

Hadisənin səbəbi araşdırılır.