Ötən gün Bərdənin raket atəşinə tutulması nəticəsində ölənlərin sayı 5-ə çatıb

Ötən gün Ermənistan silahlı qüvvələri tərəfindən Bərdə rayonu ərazisinə raket atılması nəticəsində ağır yaralanan şəxslərdən biri xəstəxanada vəfat edib.

Bu barədə "Report"un cəbhə bölgəsinə ezam olunmuş əməkdaşı xəbər verir.

Məlumata görə, ötən gün hadisədən sonra xəstəxanaya gətirilən Əliyeva Almaz Salah qızı bu gün dünyasını dəyişib.

Beləliklə, Ermənistan silahlı qüvvələri tərəfindən Bərdə rayonu ərazisinə raket atılması nəticəsində ölənlərin sayı 5-ə çatıb.