Elmar Məmmədyarov Nyu-Yorkda Minsk Qrupu həmsədrləri ilə görüşüb - FOTO - YENİLƏNİB

Elmar Məmmədyarov Nyu-Yorkda Minsk Qrupu həmsədrləri ilə görüşüb - FOTO - YENİLƏNİB Xarici işlər naziri Elmar Məmmədyarovun Nyu Yorkda ATƏT-in Minsk Qrupunun həmsədrləri ilə görüşü baş tutub.
Dağlıq Qarabağ münaqişəsi
232
23 Sentyabr , 2019 00:03
Elmar Məmmədyarov Nyu-Yorkda Minsk Qrupu həmsədrləri ilə görüşüb - FOTO - YENİLƏNİB

Xarici işlər naziri Elmar Məmmədyarovun Nyu Yorkda ATƏT-in Minsk Qrupunun həmsədrləri ilə görüşü baş tutub. 

Xarici İşlər Nazirliyindən "Report"a verilən məlumata görə, görüşdə Ermənistan-Azərbaycan Dağlıq Qarabağ münaqişəsinin həlli üzrə aparılan danışıqlar, eləcə də münaqişə zonasındakı vəziyyət və ümumilikdə, münaqişənin tənzimlənməsi üzrə həmsədrlərin gələcək fəaliyyət planları və perspektivləri müzakirə edilib.


***21:31

ABŞ-da Azərbaycanın xarici işlər naziri Elmar Məmmədyarovla ATƏT-in Minsk Qrupu həmsədrləri İqor Popov (Rusiya), Stefan Viskonti (Fransa) və Endryu Şafer (ABŞ) arasında görüş başlayıb.

Bu barədə "Report" Azərbaycanın Xarici İşlər Nazirliyinin Mətbuat xidmətinin rəhbəri Leyla Abdullayevaya istinadən xəbər verir.

"Nyu-Yorkda xarici işlər naziri Elmar Məmmədyarov və ATƏT-in Minsk Qrupu həmsədrləri İqor Popov (Rusiya), Stefan Viskonti (Fransa) və Endryu Şafer (ABŞ) arasında görüş başlayıb, - deyə Xarici İşlər Nazirliyinin Mətbuat xidmətinin rəhbəri bildirib. 

Qeyd edək ki, sentyabrın 23-də isə Azərbaycan və Ermənistan xarici işlər nazirləri arasında ATƏT-in Minsk Qrupu həmsədrlərinin vasitəçiliyi ilə görüşün keçirilməsi nəzərdə tutulur.

Son xəbərlər

Orphus sistemi