MM sədrinin I müavini: “Qarabağın tərəf kimi təqdim edilməsi münaqişənin həllinin uzadılması deməkdir”

“Dağlıq Qarabağın tərəf kimi təqdim edilməsi münaqişənin həllinin uzadılması deməkdir”.

“Report” xəbər verir ki, bunu “Azərbaycanda təhlükəsizlik sistemi. Dağlıq Qarabağ münaqişəsi və onun həlli yolları” mövzusunda keçirilən “dəyirmi masa”da çıxışı zamanı Milli Məclis sədrinin I müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov deyib.

Onun sözlərinə görə, tərəf fikri qəbul olunmur və oluna bilməz: “Tərəflər yalnız iki dövlət - Azərbaycan və Ermənistandır. Ermənistanın da işğalçı tərəf olması hər kəsə bəllidir”.