Yuxarı

Elmar Məmmədyarov: “Münhendə Zöhrab Mnatsakyanla iki ölkə liderlərinin görüşünü müzakirə edə bilərik”

Bakı. 15 fevral. REPORT.AZ/ “Münhendə təhlükəsizlik məsələləri üzrə konfrans çərçivəsində Ermənistanın xarici işlər naziri Zöhrab Mnatsakyanla görüşüb iki ölkə liderlərinin sammitini müzakirə edə bilərik”.

“Report” xəbər verir ki, bunu Azərbaycanın xarici işlər naziri Elmar Məmmədyarov “RİA Novosti”yə müsahibəsində bildirib.

“Fikrimcə, bu məsələ Ermənistandan olan həmkarımla görüşdə müzakirə olunacaq. Eyni zamanda, əlbəttə, Minsk qrupu həmsədrlərinin bölgəyə növbəti səfəri zamanı müzakirə ediləcək”, - deyə E.Məmmədyarov ölkə liderlərinin sammiti ilə bağlı suala cavabında qeyd edib.

O, ermənistanlı həmkarı ilə Münhendə ayaqüstü olsa da, mütləq görüşəcəklərini bildirib: “Münhendə, yəqin ki, ayaqüstü mütləq görüşəcəyik. Biz görüşmək üçün istənilən imkandan istifadə edirik”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi