Bakı. 13 fevral. REPORT.AZ/ ATƏT-in Minsk qrupunun həmsədrləri qrup üzvlərini Dağlıq Qarabağ münaqişəsi ilə bağlı danışıqlar prosesi haqqında məlumatlandıracaqlar.
"Report" xəbər verir ki, bu barədə ATƏT-in Minsk qrupunun amerikalı həmsədri Ceyms Uorlik öz "twitter" səhifəsində yazıb.
O qeyd edib ki, ATƏT-in Minsk qrupu üzvlərinin görüşü Vyanada baş tutacaq, bundan sonra həmsədrlər regiona yollanacaq və münaqişənin həlli ilə bağlı danışıqları davam etdirəcəklər
Qeyd edək ki, fevralın 16-da həmsədrlər Bakıda görüşlər keçirəcək, fevralın 17-də isə İrəvana gedəcəklər.