​Ermənistan Azərbaycana fosforlu bomba atıb

Bakı. 10 may. REPORT.AZ/ Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) Tərtər, Füzuli, Ağcabədi və Goranboy rayonlarında aşkar olunan partlamamış hərbi sursatlar (PHS) haqqında hesabat yayıb.

ANAMA-dan "Report"a verilən məlumata görə, agentlik tərəfindən 10 may tarixində 4 ev və həyətyanı sahədə, 6 otlaq sahəsi daxil olmaqla 12 partlayış yerinə baxış keçirilmiş, 2 ədəd (1 ədəd 122 mm-lik top mərmisi (ağ fosforlu) və 1 ədəd 152 mm-lik top mərmisi) partlamamış hərbi sursat aşkar edilib. Gün ərzində 42 884 kv. m ərazi təmizlənib.

Tərtər rayonu

Qarağacı kəndi – 2 ev və həyətyanı sahədə 4 partlayış yerinə baxış keçirilib, 1 ədəd partlamamış 152 mm-lik top mərmisi aşkar edilib, gün ərzində 28 000 kv. m ərazi yoxlanılıb.

Qazyan kəndi - 1 ev və həyətyanı sahədə 1 partlayış yerinə baxış keçirilib, 2 500 kv. m ərazi yoxlanılıb.

Əskipara kəndi – Əkin sahəsində 1 partlayış yerinə baxış keçrilib, 1 ədəd ağ fosforlu 122 mm-lik top mərmisi aşkar edilib, 20 kv.m ərazi yoxlanılıb. Sursatın zərərsizləşdirmə əməliyyatları sabah davam edəcək.

Cəmi:Gün ərzində 3 ev və həyətyanı sahələrdə, 1 əkin sahəsində 6 partlayış yerinə baxış keçrilib, 30 520 kv. m ərazi yoxlanılıb, 2 ədəd partlamamış hərbi sursat (1 ədəd 122 mm-lik top mərmisi (ağ fosforlu) və 1 ədəd 152 mm-lik top mərmisi aşkar olunaraq, götürülüb.

Goranboy rayonu

Tapqaraqoyunlu kəndi - 2 otlaq sahəsində 2 partlayış yerinə baxış keçirilib, 900 kv.m ərazi yoxlanılıb, heç bir PHS aşkar olunmayıb.

Cəmi:2 otlaq sahəsi, 2 partlayış yeri aşkar edilib və 900 kv. m ərazi təmizlənib.

Ağcabədi rayonu

Qaraxanlı kəndi – 1 ev və həyətyanı sahədə, 1 otlaq sahəsində 2 partlayış yerinə baxış keçirilib, 11 000 kv. ərazi qəlpələrdən təmizlənib, heç bir PHS aşkar olunmayıb.

Cəmi:1 ev və həyətyanı sahə, 1 otlaq sahəsində, 2 partlayış yeri aşkar edilib və 11 000 kv. m ərazi təmizlənib.

Füzuli rayonu

Şükürbəyli kəndi –2 otlaq sahəsində 2 partlayış yerinə baxış keçirilib, 464 kv.m ərazi qəlpələrdən təmizlənib, heç bir PHS aşkar olunmayıb.

Cəmi:2 otlaq sahəsi, 2 partlayış yeri aşkar edilib və 464 kv. m ərazi təmizlənib.

Ümumilikdə Agentlik tərəfindən 7 Aprel - 10 May 2016-cı il tarixlərində Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar rayonlarında və Bakı şəhərində 457 ev və həyətyanı sahə, 2 hərbi hissə, 2 kənd qəbiristanlığı, 3 kənd orta məktəbi, 1 tibb məntəqəsi, 12 ferma, əkin sahələri və 1 çaxır zavodu ərazisinə baxış keçirilib, 1 419 ədəd partlamamış hərbi sursat, 11 ədəd piyada əleyhinə mina (PMN), 2 ədəd piyada əleyhinə POMZ-2 və 6 ədəd tank əleyhinə mina aşkar olunaraq zərərsizləşdirilib.

Hal-hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.