Ermənistanın müdafiə naziri ATƏT-in nümayəndəsi ilə cəbhə xəttindəki vəziyyəti müzakirə edib

Bakı. 3 sentyabr. REPORT.AZ/ Ermənistanın müdafiə naziri Seyran Ohanyan ATƏT-in fəaliyyətdə olan sədri Anjey Kasprşikin şəxsi nümayəndəsini qəbul edib. Report Ermənistan KİV-nə istinadən xəbər verir ki, bu barədə Ermənistan Müdafiə Nazirliyinin mətbuat xidmətinin məlumatında bildirilib.

Görüşdə Azərbaycan və Ermənistan qoşunlarının təmas xəttindəki vəziyyət və qarşılıqlı etimadın möhkəmləndirilməsi ilə bağlı məsələlər müzakirə olunub.