Ərdoğan: “Ermənistanın Azərbaycana qarşı təcavüzünü qınayırıq”

Ərdoğan: “Ermənistanın Azərbaycana qarşı təcavüzünü qınayırıq” Türkiyə Prezidenti Rəcəb Tayyib Ərdoğan bugünkü çıxışında Azərbaycana dəstəyini bildirib.
Dağlıq Qarabağ münaqişəsi
1771
14 İyul , 2020 21:03
Ərdoğan: “Ermənistanın Azərbaycana qarşı təcavüzünü qınayırıq”
0 : 00
0 : 00

Türkiyə Prezidenti Rəcəb Tayyib Ərdoğan bugünkü çıxışında Azərbaycana dəstəyini bildirib.

“Report” xəbər verir ki, bunu ölkə prezidenti Nazirlər Kabinetinin iclasından sonra deyib:

“Əcdadın əsrlər boyunca yerinə yetirdiyi bu vəzifəni yenə yerinə yetirməyə davam edəcəyik. Dost və qardaş Azərbaycana qarşı Ermənistanın təcavüzünü qətiyyətlə pisləyirik. Bütün imkanlarımızla dost və qardaş Azərbaycanın yanında olmağa davam edəcəyik. Vətəni uğrunda savaşan azərbaycanlı qardaşlarımızdan şəhid olanlara rəhmət, yaralananlara şəfa diləyirəm”.

“Bu gərginliyin Ermənistanın hücumları sonrası münaqişəyə çevrilməsindən narahatıq. Bu son hücum iki dövlət arasındakı sərhəddə ağır silahlarla edilib. Bu, birbaşa Azərbaycana qarşı edilmiş şüurlu hücumdur. Bu hücum Ermənistanın çapını aşan hadisədir. Məqsəd Dağlıq Qarabağın nizamlanması prosesinə əngəl yaratmaq və yeni münaqişə nöqtələri yaratmaqdır.

Türkiyə Azərbaycana edilən hücumlara qarşı duracaq. Bütün münasibətlərimizi bu məsələdə səfərbər etmək boynumuzun borcudur. Öz torpağındakı siyasi, iqtisadi, koronavirusdan qaynaqlanan problemləri həll edə bilməyən bir ölkənin belə bir aqressiyası öz xalqına hörmətsizlikdir”.