Yuxarı

Ərciyəs dağında Xocalı soyqırımının qurbanları yad edilib - VİDEO - YENİLƏNİB

Video əlavə olunub


*** 13:35

Türkiyənin Kayseri şəhəri yaxınlığında yerləşən və yüksəkliyi 3916 metr olan Ərciyəs dağında Xocalı soyqırımının qurbanları yad edilib.  

"Report"un Türkiyə bürosunun məlumatına görə, Azərbaycan Təhsil və Həmrəylik Dərnəyinin təşkilatçılığı ilə keçirilən tədbirdə “Təkdən” kollecinin 400 şagirdi iştirak ediblər.  

Tədbir iştirakçıları uzun məsafəni qət edərək dağın zirvəsinə qalxıblar. Onlar Xocalı soyqırımı qurbanlarının xatirəsini bir dəqiqəlik sükutla yad edib, plakatlar qaldırıb, “Xocalını unutmadıq, unutdurmadıq!” şüarını səsləndiriblər. 

Kollecin müdiri Göksel Orhan "Report"a bildirib ki, təhsil müəssisəsinin şagirdləri könüllü olaraq yürüşdə iştirak etməklə Xocalıda vəhşicəsinə qətlə yetirilən uşaqların səsi olmaq istədilər: “Biz, eləcə də Azərbaycan Təhsil və Həmrəylik Dərnəyinin Türkiyə təmsilçisi Elşən Qənbərovla bərabər onlara lazımi dəstəyi verdik. Fikrimcə, belə layihələr Türkiyənin bütün təhsil ocaqlarında həyata keçirilməlidir. Gənc nəsil Xocalının səsi olmalıdır ki, bütün dünya yaşananlardan xəbərdar olsun”.

Vüsalə Abbasova 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi