Azərbaycan DİN məktəblinin ermənilər tərəfindən güllələnməsi hadisəsi ilə bağlı rəsmi məlumat yayıb

Bakı. 16 fevral. REPORT.AZ/ Daxili İşlər Nazirliyi (DİN) Azərbaycan vətəndaşının ermənilər tərəfindən güllələnməsi hadisəsi ilə bağlı rəsmi məlumat yayıb. “Report”un xəbərinə görə, məlumatda bildirilib ki, fevralın 15-də saat 15 radələrində Ağdam rayonunun Çıraqlı kənd sakini 15 yaşlı Coşqun Məmmədov əkin sahəsində təmizlik işləri apararkən ermənilər tərəfindən açılmış atəşdən ayaq nahiyəsindən xəsarət alıb. C.Məmmədov xəstəxanaya yerləşdirilib.