Bakı. 8 dekabr. REPORT.AZ/ "Fransa ATƏT-in Minsk qrupunun həmsədri olaraq Dağlıq Qarabağ münaqişəsinin sülh yolu ilə həlli işinə sadiqdir".
"Report"un məlumatına görə, bunu Fransanın xarici işlər naziri Jan Mark Eyro Almaniyanın Hamburq şəhərində keçirilən ATƏT-ə üzv dövlətlərin Xarici İşlər Nazirləri Şurasının 23-cü iclasında deyib.
Onun sözlərinə görə, Fransa münaqişənin həlli üçün substantiv danışıqların aparılmasını və etimadyaradıcı tədbirləri dəstəkləyir.