Böyük Britaniya Qarabağ münaqişəsinin həlli üçün daha çox səy göstərməyə çağırır

Böyük Britaniyanın Azərbaycandakı səfirliyi martın 31-də Dağlıq Qarabağda baş tutan qondarma seçkilər barədə bəyanat yayıb.

“Report” xəbər verir ki, bəyanatda Böyük Britaniyanın bu qondarma seçkiləri tanımadığı qeyd olunub.

“Böyük Britaniya bir daha ATƏT-in Minsk qrupunun sülh prosesindəki rolunu tam dəstəklədiyini bildirir və bu prosesdə Azərbaycan və Ermənistanı etimadın yaradılması və danışıqlar yolu ilə həll olunması üçün səylərini sürətləndirməyə çağırır”, - məlumatda deyilir.