Yuxarı

QDİƏT PA-nın baş katibi: "Qarabağ üzrə istənilən danışıqlar irəliyə doğru atılmış addımdır"

​Baş katib: "Qarabağ üzrə istənilən danışıqlar irəliyə doğru addımdır"

"Dağlıq Qarabağın işğaldan azad edilməsindən sonra ona Azərbaycanın daxilində ən yüksək status verilə bilər".

"Report" Ermənistan KİV-inə istinadən xəbər verir ki, bunu Qara Dəniz İqtisadi Əməkdaşlıq Təşkilatı Parlament Assambleyasının (QDİƏT PA) baş katibi Asəf Hacıyev Yerevanda jurnalistlərə deyib.

"İstənilən danışıqlar tərəflərin hansısa tərəqqiyə nail olduqları təqdirdə, irəliyə doğru atılmış addımdır. Yaxşı ki, humanitar, o cümlədən jurnalistlərin qarşılıqlı səfərləri səviyyəsində əlaqələrin aktivləşdirilməsinə hazırlıq var, bu, müvafiq ab-hava yarada bilər", - A.Hacıyev əlavə edib.

Xatırladaq ki, aprelin 16-da Yerevanda Qara Dəniz İqtisadi Əməkdaşlıq Təşkilatı Parlament Assambleyasının mədəniyyət, təhsil və sosial məsələlər üzrə 52-ci iclası keçirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi