Yuxarı
    Bağlamaq

    Azərbaycan XİN başçısı: "BMT Təhlükəsizlik Şurasının Qarabağla bağlı qətnamələrinin yerinə yetirilməsi zaman məsələsidir"

    Elmar Məmmədyarov: BMT Təhlükəsizlik Şurasının qətnamələri heç vaxt köhnəlmir
    © Report/ Elshan Baba

    Bakı. 20 noyabr. REPORT.AZ/ "BMT Təhlükəsizlik Şurasının qətnamələri heç vaxt köhnəlmir".

    "Report" xəbər verir ki, bunu Azərbaycanın xarici işlər naziri Elmar Məmmədyarov rusiyalı həmkarı Sergey Lavrovla görüşdən sonra brifinqdə deyib.

    "Bütün bu qətnamələrin hüquqi qüvvəsi var. Qətnamələrdə Ermənistan qoşunlarının işğal olunmuş ərazilərdən çıxarılması xahiş yox, tələb edilir", - E.Məmmədyarov bildirib.

    Nazir Dağlıq Qarabağ münaqişəsi ilə bağlı BMT Təhlükəsizlik Şurasının qətnamələrinin yerinə yetiriləcəyindən şübhə etmədiyini vurğulayıb.

    "Bu, sadəcə, zaman məsələsidir. Sadəcə, biz bu məsələdə müxtəlif istiqamətlərə doğru gedirik", - o əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi