Yuxarı

Azərbaycan nümayəndə heyətinin üzvü: "ATƏT məkanında münaqişələrin nizamlanmaması yolverilməzdir"

Azərbaycan nümayəndə heyətinin üzvü: "ATƏT məkanında münaqişələrin nizamlanmaması yolverilməzdir"
Dağlıq Qarabağ münaqişəsində mövcud status-kvo qəbuledilməzdir

Bakı. 2 iyul. REPORT.AZ/ "ATƏT məkanında həll olunmamış münaqişələrin bundan sonra da nizamlanmaması yolverilməzdir".

"Report" xəbər verir ki, bunu ATƏT PA-nın Siyasi məsələlər və təhlükəsizlik komitəsinin iyulun 2-də Tbilisidə keçirilmiş iclasında Azərbaycanın ATƏT PA nümayəndə heyətinin üzvü, Milli Məclisin deputatı Elşad Həsənov deyib.

Onun sözlərinə görə, bu münaqişələr region üçün təhdiddir: "Dağlıq Qarabağ münaqişəsində mövcud status-kvo qəbuledilməzdir. ATƏT-in fəaliyyətdə olan sədri, Almaniya xarici işlər naziri Frank-Valter Ştaynmeyerin dediyi kimi, bu məsələ ilə bağlı təkliflərə baxılması münaqişənin həll olunacağına ümid verir".

Millət vəkili həmçinin münaqişələrin həlli üçün dünya ictimaiyyətini birləşməyə çağırıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi