Avropa İttifaqının xüsusi nümayəndəsi Yerevanda Dağlıq Qarabağ münaqişəsini müzakirə edib

Bakı. 23 fevral. REPORT.AZ/ “Avropa İttifaqı Dağlıq Qarabağ münaqişəsinin dinc yolla tənzimlənməsində ATƏT-in Minsk Qrupunun həmsədrlərinin fəaliyyətini və təkliflərini dəstəkləyir”.

“Report” Ermənistan KİV-inə istinadən xəbər verir ki, bunu Avropa İttifaqının Cənubi Qafqaz və Gürcüstandakı böhran üzrə xüsusi nümayəndəsi Toyvo Klaar fevralın 23-də Yerevanda Ermənistan prezidenti Serj Sarqsyanla görüşündə vurğulayıb.

Məlumata görə, görüş iştirakçıları Azərbaycanın işğal altında saxlanılan Dağlıq Qarabağ bölgəsindəki münaqişənin dinc yolla tənzimlənməsi prosesini müzakirə ediblər.