Avropa İttifaqının xüsusi nümayəndəsi Ermənistan prezidenti ilə Dağlıq Qarabağ münaqişəsindən danışıb

Bakı. 1 dekabr. REPORT.AZ/ Ermənistan prezidenti Serj Sarqsyan Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toyvo Klaarı qəbul edib.

“Report” Ermənistan KİV-inə istinadən xəbər verir ki, bu haqda ölkə prezidentinin mətbuat xidməti məlumat yayıb.

Toyvo Klaar görüşdə bildirib ki, onun əsas vəzifəsi Dağlıq Qarabağ münaqişəsinin dinc yolla həllində ATƏT-in Minsk qrupu həmsədrləri ilə qarşılıqlı fəaliyyət göstərməkdir. O, münaqişənin dinc yolla həlli prosesinə töhfə vermək üçün çalışacağını bildirib.