Bakı. 21 noyabr. REPORT.AZ/ Azərbaycan Dövlət Neft Şirkəti (SOCAR) Azərbaycanda ən yüksək məbləğdə təqaüd verir. “Report” xəbər verir ki, bunu jurnalistlərə açıqlamasında ARDNŞ prezidenti Rövnəq Abdullayev deyib.
Onun sözlərinə görə, tələbələr özləri də təqaüd almaqda maraqlı olmalıdırlar.
"Təxminən iki il öncə biz 200-dən çox şəxsə təqaüd vermişdik. İndi isə onların sayı 125 nəfərdir. Gərək tələbələr maraqlı olsunlar, imtahanlardan keçə bilsinlər ki, biz də onlara təqaüd verək. Yəqin ki, onlar yaxşı oxuya bilməyiblər və təqaüd ala bilməyiblər. Bu da bizi düşündürməlidir””, - R. Abdullayev vurğulayıb.