Yuxarı

​Vergilər Nazirliyinə daxil olan şikayətlərin sayı 39% azalıb

Bütün müraciətlərə vaxtında baxılıb, onların 63%-i müsbət həll olunub

Bakı. 9 avqust. REPORT.AZ/ Bu ilin iyul ayı ərzində vergi orqanlarına 6 682 müraciət daxil olub. ”Report”un Vergilər Nazirliyinin analitik-informasiya şöbəsinə istinadən verdiyi xəbərə görə, onlardan 95,8%-i ərizə, 4,0%-i şikayət, 0,2%-i təklifdir.

Müraciətlərin 39,7%-i müxtəlif arayışların alınması, 28,2%-i kameral vergi yoxlamaları, 7,2%-i vergi borcları, 1,9%-i vergidən yayınma və dividendlərin verilməsi, 1,8%-i səyyar vergi yoxlamaları, 1,0%-i qəbulla bağlı, 0,9%-i nağd hesablaşmaların aparılması qaydalarının pozulması, 0,5%-i işlə təmin edilməklə bağlı, 0,4%-i qanunsuz sahibkarlıq fəaliyyəti, 0,4%-i vergi orqanlarının vəzifəli şəxslərinin hərəkəti (hərəkətsizliyi), 0,3%-i korrupsiya hüquqpozmaları, 17,7%-i digər məsələlərlə bağlıdır.

Nazirliyin açıqlamasına görə, bütün müraciətlərə vaxtında baxılıb, onların 63,3%-i müsbət həll olunub.

Daxil olmuş şikayətlərin sayı ötən ilin müvafiq dövrü ilə müqayisədə 38,6% azalıb.

Hesabat dövründə vergi orqanları tərəfindən ümumilikdə 396 vətəndaş qəbul edilərək, onlara qanunvericilik çərçivəsində lazımi köməklik göstərilib və ya müvafiq izahatlar verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi