Yuxarı
    Bağlamaq

    Vergilər naziri Saatlıda vətəndaşları qəbul edəcək

    Görüşdə yalnız Saatlı, Şirvan, Sabirabad, Hacıqabul, Cəbrayıl rayonlarından olan vətəndaşlar iştirak edə bilər

    Bakı. 18 aprel. REPORT.AZ/ Aprelin 21-də vergilər naziri Fazil Məmmədov Saatlı rayonunda bu regiondan olan vətəndaşları qəbul edəcək. “Report” xəbər verir ki, qəbul Saatlı rayonu Qara Qarayev küçəsi,5 ünvanında yerləşən Vergi Ödəyicilərinə Xidmət Mərkəzində baş tutacaq.

    Görüşdə yalnız Saatlı, Şirvan, Sabirabad, Hacıqabul, Cəbrayıl rayonlarından olan vətəndaşlar iştirak edə bilər.

    Qəbulda vergilərin hesablanması, ödənilməsi, vergi nəzarəti tədbirləri sahəsində sahibkarların qarşılaşdıqları problemlər, vergi qanunvericiliyinin və inzibatçılığının tətbiqi və vergi ödəyicilərinə göstərilən xidmətlərlə bağlı müraciətlərə baxılacaq.

    Saatlı, Şirvan, Sabirabad, Hacıqabul, Cəbrayıl rayonlarından olan vətəndaşlar 5 saylı Ərazi Vergilər İdarəsi, Saatlı Vergi Ödəyicilərinə Xidmət Mərkəzi, Sabirabad Vergi Ödəyicilərinə Xidmət Mərkəzi, Hacıqabul Vergi Ödəyicilərinə Xidmət Mərkəzi, Cəbrayıl rayon Vergilər Şöbəsi (Biləsuvar rayonu, 8 saylı qəsəbə) vasitəsilə əlaqə saxlayıb qəbula yazıla bilərlər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi