Yuxarı

​Vergilər naziri Biləsuvarda vətəndaşlarla görüşəcək

Qəbulda Biləsuvar, Cəlilabad, Masallı və Yardımlı rayonlarından olan vətəndaşlar qatıla bilər

Bakı. 23 noyabr. REPORT.AZ/ Noyabrın 27-də vergilər naziri Fazil Məmmədov Biləsuvarda vətəndaşları qəbul edəcək. Bu barədə "Report"a Vergilər Nazirliyinin mətbuat xidmətindən məlumat verilib.

Məlumata görə, Biləsuvar Olimpiya İdman Kompleksində keçiriləcək qəbulda Biləsuvar, Cəlilabad, Masallı və Yardımlı rayonlarından olan vətəndaşlar qatıla bilər.

Qəbulda vergilərin hesablanması, ödənilməsi, vergi nəzarəti tədbirləri sahəsində sahibkarların qarşılaşdıqları problemlər, vergi qanunvericiliyi və inzibatçılığının tətbiqi, vergi ödəyicilərinə göstərilən xidmətlərlə bağlı müraciətlərə baxılacaq.

Adları qeyd edilən rayonlardan olan, qəbulda iştirak etmək istəyən vətəndaşlar Vergilər Nazirliyinin 195 Çağrı Mərkəzi, 6 saylı Ərazi Vergilər İdarəsi, Biləsuvar, Cəlilabad, Masallı və Yardımlı rayonu vergi ödəyicilərinə xidmət mərkəzləri ilə əlaqə saxlayıb qəbula yazıla bilərlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi