“The Daily Telegraph”: Britaniya kəşfiyyatı rusiyalı iş adamlarına qarşı təzyiqi artıracaq

Bakı. 8 dekabr. REPORT.AZ/ Böyük Britaniyanın kəşfiyyat orqanlarının Rusiya hökumətinə yaxın hesab olunan rus iş adamları ilə bağlı planları var. 

"Report" xəbər verir ki, bu barədə “The Daily Telegraph” nəşri yazıb.

Yazıda qeyd olunub ki, söhbət 6 nəfərdən gedir. Britaniya kəşfiyyatı onlara qarşı təzyiqi artırmaq, sahibkarların manevr imkanlarını məhdudlaşdırmaq niyyətindədir. 

Xatırladaq ki, bir qədər əvvəl Böyük Britaniyanın gizli kəşfiyyat xidmətinin (Mİ-6) rəhbəri Aleks Yanger bəyan edib ki, ölkəsi Rusiyanı stabilləşdirməyə çalışmır.